ព័ត៍មាននៅក្នុងប្រទេស
១.ពលករបានទទួលការឧបត្ថម្ភជួលផ្ទៈសំណាក់ច្រើនបំផុត 1 លានដុងក្នុងមួយខែ
ថ្មីៗនេះ លោកឧបនាយករដ្ឋមន្ត្រី Lê Minh Khái បានចុះហត្ថលេខាលើសេចក្តីសម្រេចលេខ 08/2022/QĐ-TTg ចុះថ្ងៃទី 28/3/2022 ស្តីពីការអនុវត្តគោលនយោបាយឧបត្ថម្ភការជួលផ្ទះសំណាក់សម្រាប់ពលករ។ យោងតាមសេចក្តីសម្រេច ពលករ ២ ក្រុម នឹងបានទទួលការឧបត្ថម្ភ គឺពលករកំពុងធ្វើការក្នុងសហគ្រាស និងពលករបានត្រឡប់មកទីផ្សារការងារវិញ បានចំនួន 500,000 ដុង/ម្នាក់/ខែ និង 1,000,000 ដុង/នាក់/ខែ។
២.ក្រសួងសុខាភិបាល៖ ចាក់វ៉ាក់សាំងការពារជំងឺកូវីដ-១៩ សម្រាប់កុមារអាយុ ៥-១២ឆ្នាំ តាមរូបភាព 'យុទ្ធនាការ'
ក្រសួងសុខាភិបាល បានតម្រូវដល់មូលដ្ឋាននានា ត្រូវប្រញាប់ធ្វើបញ្ជីរាយនាម និងត្រៀមចាក់វ៉ាក់សាំងការពារជំងឺកូវីដ-១៩ ដល់កុមារអាយុពី ៥ ឆ្នាំដល់ក្រោម១២ឆ្នាំ ដើម្បីអនុវត្តភ្លាម នៅពេលបានទទួលវ៉ាក់សាំងភ្លាម។ យោងតាមនោះ ក្រសួងសុខាភិបាល តម្រូវឱ្យមូលដ្ឋាននានា នឹងរៀបចំការចាក់វ៉ាក់សាំងតាមរូបភាពយុទ្ធនាការ និងមិនយកថ្លៃ នៅតាមណ្ឌលចាក់វ៉ាក់សាំង, ទីតាំងចាក់ថ្នាំចល័ត និងតាមសាលារៀន។ ឪពុកម្តាយ និងអាណាព្យាបាលនឹងចុះហត្ថលេខាលើលិខិតយល់ព្រមឲ្យចាក់វ៉ាក់សាំងដល់ក្មេង។ ការចាក់វ៉ាក់សាំងសម្រាប់កុមារ ត្រូវតែមានការយល់ព្រមពីអាណាព្យាបាល។
៣. អាជីវកម្មបានសុំដំឡើងថ្លៃសាច់និងស៊ុតចាប់ពីខែមេសា
បន្ទាប់ពីបានសម្រេចការសន្យាស្ថិរភាពថ្លៃមុននិងក្រោយចូលឆ្នាំថ្មី 1 ខែ, បណ្តាអាជីវកម្មដ្ឋាន បានចុះឈ្មោះកែសម្រួលថ្លៃនៅក្នុងដំណាក់កាលស្ថិរភាពថ្លៃទីផ្សារថ្មី។ ក្នុងនោះ ថ្លៃសាច់សត្វពាហនៈបានចុះបញ្ជីកើនពី២-៣%, សាច់សត្វស្លាបកើនពី ៦-១២% និងស៊ុតកើនពី ៦-៨% ។ មន្ទីរហិរញ្ញវត្ថុ និងនាយកដ្ឋានផ្សេងៗ នឹងជួបជាមួយអាជីវកម្មដ្ឋាននានា ដើម្បីឯកភាពលើថ្លៃស្ថិរភាព។
៤. Lý Sơn មានគម្រោងលំនៅឋានដំបូង មានដើមទុនជិត៦៦៣ពាន់លានដុង
គណៈកម្មាធិការប្រជាជនខេត្ត Quảng Ngãi បានមានសេចក្តីសម្រេច អនុម័តគោលនយោបាយវិនិយោគគម្រោងតំបន់លំនៅដ្ឋាន Đồng Rừng ។ បានដឹងថនេះជាគម្រោងលំនៅដ្ឋានដំបូងគេនៅស្រុកកោះនេះ ដែលមានទុនវិនិយោគជិត ៦៦៣ពាន់លានដុង។
៥.ជាង1លាននាក់បានបានទទួលធានារ៉ាប់រងសង្គម ជិត 16.800 ពាន់លានដុង
ទីក្រុងហូជីមិញគឺជាតំបន់មានអ្នកចូលរួម ចំណូល និងចំណាយធានារ៉ាប់រងសង្គមច្រើនជាងគេក្នុងប្រទេស។ បច្ចុប្បន្ននេះ ចំណូលពីធានារ៉ាប់រងសង្គម និងធានារ៉ាប់រងសុខភាពក្នុងទីក្រុងមានជិត ៦៧.៣០០ ពាន់លានដុង/ឆ្នាំ។ កាលពីឆ្នាំមុន ប្រជាជនជាង 1 លាននាក់ បានទទួលប្រយោជន៍ធានារ៉ាប់រងសង្គមជាមួយទឹកប្រាក់សរុបជិត 16.800 ពាន់លានដុង, និងមនុស្សជាង 12 លាននាក់បានទទួលការចំណាយលើការពិនិត្យ និងព្យាបាល នូវទឹកប្រាក់ជាង 13.800 ពាន់លានដុង។
ព័ត៍មានអន្តរជាតិ
៦.ប្រតេសរុស្ស៊ី ចាប់ផ្តើមឆ្លើយតបយ៉ាងខ្លាំង និងគំរាមបិទវ៉ាល់ឧស្ម័នទៅកាន់អឺរ៉ុប
យោងតាមទីភ្នាក់ងារសារព័ត៌មាន AFP បានដឹងថា រដ្ឋមន្ត្រីក្រសួងការបរទេសនៃប្រទេសរុស្ស៊ី លោក Sergei Lavrov បានឲ្យដឹងថា ទីក្រុងមូស្គូកំពុងរៀបចំវិធានការ សម្រាប់កំហិតការចូលរបស់ពលរដ្ឋនៃប្រទេសដែល “មិនមានការ រាក់ទាក់” ដែលក្នុងនោះ មានទាំងចក្រភពអង់គ្លេស បណ្តាប្រទេសក្នុងសហភាពអឺរ៉ុប (EU) និងសហរដ្ឋអាមេរិក។
៧.ឥណ្ឌូណេស៊ី បានជំរុញប្រជាជនខ្លួន ឱ្យចំហុយ ឬ ស្ងោរអាហារ មកពីប្រេងឆាឡើងថ្លៃ
គណបក្សកាន់អំណាចរបស់ប្រធានាធិបតីនៃប្រទេសឥណ្ឌូណេស៊ី លោក Joko Widodo កំពុងអំពាវនាវឱ្យប្រជាជនខ្លួន ប្តូរទៅស្ងោរ, ចំហុយអាហារ ឫអាំង អាហារ ជំនួសឱ្យការចៀនអាហារ មកពីប្រេងឆាឡើងថ្លៃខ្ពស់។ បានដឹងថា បញ្ហានៅក្នុងប្រទេសអ៊ុយក្រែន បានប៉ះពាល់ដល់ការផ្គត់ផ្គង់ប្រេងឆាផ្សេងៗ, ដែលបណ្តាលឲ្យប្រេងដូងឡើងថ្លៃខ្លាំង។ ហើយប្រេងឆា បានក្លាយជាទំនិញខ្វះខាតក្នុងប្រទេសឥណ្ឌូនេស៊ី។ អ្នកលក់រាយមួយចំនួន ត្រូវកំណត់ថា អតិថិជនម្នាក់ៗអាចទិញប្រេងឆាបានច្រើនជាងគេ 2 លីត្រប៉ុណ្ណោះ។
៨.សហរដ្ឋអាមេរិក៖ រថយន្តជាង៥០គ្រឿងបានបុកគ្នា បណ្តាលឲ្យមនុស្ស ៣នាក់ស្លាប់ និងរបួស២០នាក់។
យ៉ាងហោចណាស់មនុស្ស 3 នាក់បានស្លាប់ និង 20 នាក់ផ្សេងទៀតបានរងរបួសក្នុងស្ថានភាពដែលព្រិលបានធ្លាក់ បាននាំមកនូវគ្រោះថ្នាក់ បណ្តាលឲ្យរថយន្តជាង 50 គ្រឿងនៅលើផ្លូវ Interstate 81 ក្នុងរដ្ឋ Pennsylvania កាលពីថ្ងៃទី 28 ខែមីនា (ម៉ោងក្នុងតំបន់)បានបុកគ្នា ។ ហើយប៉ូលិសកំពុងស៊ើបអង្កេតលើហេតុការណ៍នេះ ខណៈរថយន្តពន្លត់អគ្គិភ័យបានបញ្ជូនបុគ្គលិកជាច្រើននាក់ទៅកន្លែងកើតហេតុ។
៩.បិទទីក្រុងសៀងហៃរនៃប្រទេសចិនដល់ថ្ងៃទី 5/4
រដ្ឋាភិបាលនៃទីក្រុងសៀងហៃ នៃប្រទេសចិន បានចាប់ផ្តើមផែនការបិទផ្លូវពីរដំណាក់កាលចាប់ពីថ្ងៃទី 28 ខែមីនា ដើម្បីគ្រប់គ្រងការផ្ទុះឡើងដ៏អាក្រក់បំផុតក្នុងរយៈពេលពីរឆ្នាំកន្លងមក ខណៈពេលដែលកំពុងព្យាយាមរក្សាកំណើនសេដ្ឋកិច្ច។ ដំណាក់កាលទី 1 នឹងប្រព្រឹត្តចាប់ពីថ្ងៃទី 28 ខែមីនាដល់ថ្ងៃទី 1 ខែមេសា ដំណាក់កាលទី 2 ប្រព្រឹត្តនៅតំបន់ខាងលិចនៃទីក្រុងចាប់ពីថ្ងៃទី 1 ខែមេសា (ម៉ោងក្នុងស្រុក) ដល់ថ្ងៃទី 1 ខែមេសា។
១០.អូស្ត្រាលី៖ ហានិភ័យនៃការផ្ទុះជំងឺផ្តាសាយបក្សី បន្ទាប់ពីការរាតត្បាតរបស់ជំងឺ Covid-19
លោក Ian Barr នាយករង នៃមជ្ឈមណ្ឌលសហការ របស់អង្គការសុខភាពពិភពលោក (WHO) សម្រាប់ការស្រាវជ្រាវជំងឺគ្រុនផ្តាសាយបានព្រមាន អំពីហានិភ័យនៃការផ្ទុះជំងឺផ្តាសាយ នៅក្នុងប្រទេសអូស្ត្រាលីបន្ទាប់ពី Covid-19 ។ លោក Barr បានមានការព្រមាន បន្ទាប់ពីអ្នកជំនាញជាច្រើនបាននិយាយថា ភាពស៊ាំធម្មជាតិរបស់ប្រជាជនអូស្ត្រាលី ចំពោះជំងឺគ្រុនផ្តាសាយតាមរដូវ អាចនឹងត្រូវបានបន្ថយក្នុងអំឡុងពេលផ្ទុះជំងឺ ។
